Aterpeko giltza elkartearen egoitzan bertan emango da, astearte eta ostegunetan 20:15etatik 22:00tara.

Giltza aterpetik itzuli eta 4 egunetako epean itzuli beharko da elkartean. Bestela, epe horretatik igarotzen den egun bakoitza aterpea erabiliko balitz bezala ordaindu beharko da, gau eta pertsonako. Bazkideren batek giltza itzuliko ez balu, Zuzendaritza Batzordeak beharrezko neurriak hartuko lituzke.

Aterpearen erabiltzearen kuotak, gau eta pertsonako ondorengoak dira:

• 14 urte (berau barne) bitarteko bazkideek: 1,5 euro
• Bazkide helduek: 2,5 euro
• Bazkide ez diren 14 urte (berau barne) bitartekoek: 3 euro
• Bazkide ez diren helduek 6 euro

Kuotak egunean ez dituen bazkideak, berauek ordaindu bitartean, ez du aterpea erabiltzeko eskubiderik.

Isiltasun ordutegia gaueko 11etatik goizeko 8ak bitartekoa da. Ordutegi honen barne, aterpera sartu edo irten behar duen edonork, besteak kaltetu ditzakeen edozein zarata ateratzea ekidingo du.

Logelak, komunak eta aitzariak duten funtzioa ez den beste edozertarako erabiltzea guztiz debekatuta dago. Berauen erabilera desegokia edo aterpea zikina uztearen ardura, aterpean egondako eta ikusitako hondamenen berri eman ez duen azken bazkidearena izango da.

Debekatuta dago:

• Aterpean zakurrak edo beste edozein animalia sartzea.
• Aterpe barruan erretzea.
• Koltxoi eta altzariak aterpetik kanpo ateratzea.
• Era guztietako zarata desatseginak, gaueko isil orduetan batez ere.
• Zapatak erantzi gabe oheratzea.
• Mendiko botekin sarreratik harantzago joatea, berauek lokatza kanpoan kendu ondoren dagozkien apaletan utzi beharko dira.
• Aterpeko inork ezingo du mahairik bereganatu. Berau erabili ondoren egoki eta besteen erabilerarako prest utzi beharko du.

Aterpea uztean, bazkideak behartuta daude:

• Baxera, mahaia eta erabilitako gauza guztiak garbitzera.
• Zorua erraztu eta literak egoki uztera.
• Ate eta leihoak itxi, eta sukaldeko suak itzalita uztera.
• Sukaldeko zein gainontzeko zabor guztiak haientzat egokitutako lekuetan botatzera.
• Uraren sarrera orokorra, argiaren etengailu orokorra eta gasaren giltza orokorra ixtera.

Aterpean egondako edonork aurreko artikuluak beteko ez balitu, ezingo du aterpea erabili. Arautegi honetan agertzen ez diren gainontzeko egoerak, Zuzendaritza Batzordeak aztertu eta argituko ditu.

Zuzendaritza Batzordeak, behar izanez gero, arautegi hau aldatzeko eskubidea izango du.